بڕگەکانی دانیشتن
-
یەکەم: خوێندنەوەی یەکەمی پێشنیاری یاسای یەکەمین هەموارکردنی یاسای هاتوچۆ ژمارە (8)ی ساڵی 2019. (لیژنەی ئاسایش و بەرگری). (2 ماددە).جێبەجێکراو
-
دووەم: خوێندنەوەی یەکەمی پێشنیاری یاسای پاراستنی فریاگوزار و ڕزگارکەری خۆبەخش. (لیژنەی تەندروستی و بەرەنگاربوونەوەی ماددە هۆشبەرەکان). (11 ماددە).جێبەجێکراو
-
سێیەم: خوێندنەوەی یەکەمی پێشنیاری یاسای پاراستن لە زیانەکانی تووتن. (لیژنەی تەندروستی و بەرەنگاربوونەوەی ماددە هۆشبەرەکان). (21 ماددە).جێبەجێکراو
-
چوارەم: خوێندنەوەی یەکەمی پێشنیاری یاسای کۆمەڵە زانستییەکان. (لیژنەی خوێندنی باڵا). (34 ماددە).جێبەجێکراو
کۆنووسی دانیشتن
ئەنجومەنی نوێنەران لە بەرواری (4/5/2026) بیست و دووەمین دانیشتنی وەرزی یاسادانانی یەکەمی ساڵی یاسادانانی یەکەمی خولی هەڵبژاردنی شەشەمی بەست بە سەرۆکایەتی بەڕێز هیبەت حەلبووسی سەرۆکی ئەنجومەن و بە ئامادەبوونی (217)، و دانیشتنەکە ئەمانەی لەخۆگرت:
_ بەڕێز هیبەت حەلبووسی ئاماژەیدا کە ئەنجومەنی نوێنەران لە کۆتایی ئەم هەفتەیەدا بەرنامەی حکومی لە بەڕێز عەلی زەیدی ڕاسپێردراو بە پێکهێنانی حکومەتی نوێ وەردەگرێت بۆ ئاگاداربوونی ئەندامانی ئەنجومەن لێی و خوێندنەوەی لەلایەن لیژنەی پلاندانانی ستراتیژی و بەرنامەی حکومەتەوە، و ئاماژەیدا بە خستنەڕووی ناوەکانی کابینەی وەزاری لە هەفتەی داهاتوودا بۆ دەنگدان لەسەریان لەلایەن ئەنجومەنی نوێنەرانەوە.
_ هاوخەمی ئەندامانی ئەنجومەن لە وەستانێکدا لە کاتی دانیشتنەکەدا لەگەڵ داواکارییەکانی جووتیارە خۆپیشاندەرەکان، و لە هەمان کاتدا ئیدانەکردنی ئەو دەستدرێژییەی دوێنێ لەلایەن هێزە ئەمنییەکانەوە بۆ سەر توێژی جووتیاران ڕوویدا کە بۆ داواکردنی شایستەکانیان هاتبوونە دەرەوە، و جەختکردنەوە لەسەر پێویستی گەڕاندنەوەی ڕێزی شایستە بۆ کشتوکاڵکاران.
_ بەڕێز سەرۆکی ئەنجومەن ئیدانەی خۆی دەربڕی بۆ دەستدرێژی بۆ سەر جووتیارە خۆپیشاندەرەکان، و جەختیکردەوە لەسەر گرنگی جێبەجێکردنی حکومەت بۆ پابەندبوونەکانی بەرامبەر مافەکانی جووتیاران، و ڕەتکردنەوەی بڕاوەی خۆی دەربڕی بۆ دەستدرێژی بۆ سەر هێما کۆمەڵایەتییەکان، و داوای لە لیژنەی ئاسایش و بەرگری پەرلەمانی کرد میوانداری بەرپرسە ئەمنییە پەیوەندیدارەکان بکات بۆ ئاگاداربوون لە ڕووداوی دەستدرێژییەکە بۆ سەر خۆپیشاندەران و ئامادەکردنی ڕاپۆرتێکی ورد و خستنەڕووی لە دانیشتنی داهاتوودا.
_ سەرۆکی ئەنجومەن ئاراستەی لیژنەی پەیوەندییە دەرەکییەکانی پەرلەمانی کرد بە پەیوەندیکردن بە وەزارەتی دەرەوەوە بۆ بەدواداچوونی بابەتی ئەو دەستدرێژییەی ژمارەیەک لە ماسیگرە عێراقییەکانی لە ئاوەکانی خۆر عەبدوڵڵا گرتەوە و ئاگادارکردنەوەی ئەنجومەن لە ئەنجامەکان.
_ بەڕێز هیبەت حەلبووسی سەرۆکی ئەنجومەن ئاراستەیکرد بە هەڵوەشاندنەوەی یاداشتی ڕەوشتی پەرلەمانی دەرچوو بەرامبەر پەرلەمانتار مستەفا سەنەد دوای داوای لێبوردن و ئاشتبوونەوە لە نێوان ئەو و پەرلەمانتار بەهائ ئەعرەجی سەرۆکی فراکسیۆنی ئاوەدانکردنەوە و گەشەپێدان.
_ خوێندنەوەی یەکەمی پێشنیاری یاسای یەکەمین هەموارکردنی یاسای هاتوچۆ (8)ی ساڵی 2019 کە لەلایەن لیژنەی ئاسایش و بەرگرییەوە پێشکەشکراوە.
_ خوێندنەوەی یەکەمی پێشنیاری یاسای پاراستنی فریاگوزار و ڕزگارکەری خۆبەخش کە لەلایەن لیژنەی تەندروستی و بەرەنگاربوونەوەی ماددە هۆشبەرەکانەوە پێشکەشکراوە.
_ خوێندنەوەی یەکەمی پێشنیاری یاسای پاراستن لە زیانەکانی تووتن کە لەلایەن لیژنەی تەندروستی و بەرەنگاربوونەوەی ماددە هۆشبەرەکانەوە پێشکەشکراوە.
_ خوێندنەوەی یەکەمی پێشنیاری یاسای کۆمەڵە زانستییەکان کە لەلایەن لیژنەی خوێندنی باڵاوە پێشکەشکراوە.
_ دانیشتنەکە خستنەڕووی مداخەلەکانی خاتوو و بەڕێزان پەرلەمانتارانی بینی پەیوەست بە چارەسەرکردنی کێشەکان لە بوارە جیاوازەکان و باشترکردنی بارودۆخی خزمەتگوزارییەکان لە کەرتەکانی تەندروستی و ئاسایش و باشترکردنی گوزەرانی هاوڵاتیان.
پاشان بڕیاردرا دانیشتنەکە بۆ ڕۆژی چوارشەممەی داهاتوو هەڵبگیرێت.