بڕگەکانی دانیشتن
-
یەکەم: خوێندنەوەی یەکەمی پێشنیاری یاسای تەندروستی دەروونی. (لیژنەی تەندروستی و بەرەنگاربوونەوەی ماددە هۆشبەرەکان). (41 ماددە).جێبەجێکراو
-
دووەم: خوێندنەوەی یەکەمی پێشنیاری یاسای یەکەمین هەموارکردنی یاسای کار ژمارە (37)ی ساڵی 2015. (لیژنەی کار و ڕێکخراوەکانی کۆمەڵگەی مەدەنی و خزمەتگوزاری گشتی فیدراڵی و لاوان و وەرزش و ڕۆشنبیری و گەشتیاری).جێبەجێنەکراو
-
سێیەم: خوێندنەوەی یەکەمی پێشنیاری یاسای زانکۆی عێراق بۆ زانستە ئەمنییەکان. (لیژنەی ئاسایش و بەرگری). (29 ماددە).جێبەجێکراو
کۆنووسی دانیشتن
ئەنجومەنی نوێنەران لە بەرواری (6/5/2026) بیست و سێیەمین دانیشتنی وەرزی یاسادانانی یەکەمی ساڵی یاسادانانی یەکەمی خولی هەڵبژاردنی شەشەمی بەست بە سەرۆکایەتی بەڕێز هیبەت حەلبووسی سەرۆکی ئەنجومەن، و دانیشتنەکە ئەمانەی لەخۆگرت:
_ بەڕێز هیبەت حەلبووسی گوتی کە ئەنجومەنی نوێنەران لە ماوەی ئەمڕۆ یان سبەی پێنجشەممەدا بەرنامەی حکومی پێشکەشکراو لە بەڕێز عەلی زەیدی سەرۆک وەزیرانی ڕاسپێردراو وەردەگرێت بۆ دابەشکردنی بەسەر خاتوو و بەڕێزان ئەندامان بۆ خوێندنەوە و ئاگاداربوون لێی.
_ بەڕێز سەرۆکی ئەنجومەن ئاراستەی لیژنەی یاسایی پەرلەمانی کرد بۆ دەربڕینی ڕای یاسایی خۆی دەربارەی جێبەجێکردنی سەرۆک و ئەندامانی ئەنجومەنی خزمەتگوزاری فیدراڵی بۆ ئەرکەکانیان پێش سوێندخواردنی دەستووریان لەبەردەم ئەنجومەنی نوێنەران.
_ خوێندنەوەی یەکەمی پێشنیاری یاسای تەندروستی دەروونی کە لەلایەن لیژنەی تەندروستی و بەرەنگاربوونەوەی ماددە هۆشبەرەکانەوە پێشکەشکراوە.
بەشێک لە دانیشتنەکە بە سەرۆکایەتی بەڕێز عەدنان فەیحان جێگری یەکەمی سەرۆکی ئەنجومەن بەڕێوەچوو
_ دواخستنی خوێندنەوەی یەکەمی پێشنیاری یاسای یەکەمین هەموارکردنی یاسای کار ژمارە (37)ی ساڵی 2015 کە لەلایەن لیژنەی کار و ڕێکخراوەکانی کۆمەڵگەی مەدەنی و خزمەتگوزاری گشتی فیدراڵی و لاوان و وەرزش و ڕۆشنبیری و گەشتیارییەوە پێشکەشکراوە.
_ خوێندنەوەی یەکەمی پێشنیاری یاسای زانکۆی عێراق بۆ زانستە ئەمنییەکان کە لەلایەن لیژنەی ئاسایش و بەرگرییەوە پێشکەشکراوە.
پاشان بڕیاری هەڵگرتنی دانیشتنەکە درا.