بڕگەکانی دانیشتن
-
یەکەم: سوێندخواردنی دەستووری هەندێک لە خانمان و بەڕێزان ئەندامان.جێبەجێکراو
-
دووەم: سەیرکردنی ئەو تانانەی لەسەر دروستی ئەندامێتی هەندێک لە خانمان و بەڕێزان ئەندامان پێشکەشکراونجێبەجێنەکراو
-
سێیەم: خوێندنەوەی یەکەمی پڕۆژەیاسای پەسەندکردنی ڕێککەوتننامەی گواستنەوەی ئاسمانی لە نێوان حکومەتی کۆماری عێراق و حکومەتی فیدراڵی نەمسا. (لیژنەی پەیوەندییەکانی دەرەوە)، (2 ماددە).جێبەجێکراو
-
چوارەم: خوێندنەوەی یەکەمی پڕۆژەیاسای چوارەمین هەموارکردنی یاسای پەسەندکردنی واژۆکان لەسەر بەڵگەنامە و دۆکیومێنتە عێراقی و بیانییەکان ژمارە (52)ی ساڵی 1970، (لیژنەی دارایی)، (5 ماددە).جێبەجێکراو
-
پێنجەم: خوێندنەوەی یەکەمی پێشنیاری یاسای گەڕاندنەوەی داهاتەکانی گەندەڵی. (لیژنەی یاسایی). (45 ماددە).جێبەجێنەکراو
-
شەشەم: خوێندنەوەی دووەمی (ڕاپۆرت و گفتوگۆ) پێشنیاری یاسای یەکەمین هەموارکردنی یاسای چاودێری کەمتەمەنان ژمارە (78)ی ساڵی 1980. (لیژنەی یاسایی).جێبەجێکراو
-
حەوتەم: خوێندنەوەی دووەمی (ڕاپۆرت و گفتوگۆ) پێشنیاری یاسای یەکەمین هەموارکردنی یاسای نۆتەران ژمارە (33)ی ساڵی 1998. (لیژنەی یاسایی).جێبەجێکراو
کۆنووسی دانیشتن
ئەنجومەنی نوێنەران لە بەرواری (13/8/2026) دەیەمین دانیشتنی خۆی لە وەرزی یاسادانانی دووەمی ساڵی یاسادانانی یەکەمی خولی هەڵبژاردنی شەشەم بەڕێوەبرد، بە سەرۆکایەتی بەڕێز هەیبەت ئەلحەڵبووسی سەرۆکی ئەنجومەن. دانیشتنەکە ئەمانەی لەخۆگرت:
- دەنگدان لەسەر کشانەوەی خوێندنەوەی یەکەمی پێشنیاری یاسای گەڕاندنەوەی داهاتەکانی گەندەڵی لە بەرنامەی کار، بە داوای لیژنەی یاسایی، بەهۆی بوونی پڕۆژەیاسایەکی هاوشێوە کە لەلایەن سەرۆکایەتی کۆمارەوە پێشکەشکراوە.
- بەڕێز ڕێبوار ڕەحمان ساڵح سوێندی دەستووری خوارد بۆ وەرگرتنی ئەندامێتی ئەنجومەن لە جێگای خاتوو سەروە عەبدولواحید وەزیری ژینگە.
- دواخستنی سەیرکردنی ئەو تانانەی لەسەر دروستی ئەندامێتی هەندێک لە خانمان و بەڕێزان ئەندامان پێشکەشکراون، بەهۆی نەبوونی نیسابی دوو لەسەر سێی ئەندامان.
- خوێندنەوەی یەکەمی پڕۆژەیاسای پەسەندکردنی ڕێککەوتننامەی گواستنەوەی ئاسمانی لە نێوان حکومەتی کۆماری عێراق و حکومەتی فیدراڵی نەمسا، پێشکەشکراو لەلایەن لیژنەی پەیوەندییەکانی دەرەوە.
- خوێندنەوەی یەکەمی پڕۆژەیاسای چوارەمین هەموارکردنی یاسای پەسەندکردنی واژۆکان لەسەر بەڵگەنامە و دۆکیومێنتە عێراقی و بیانییەکان ژمارە (52)ی ساڵی 1970، پێشکەشکراو لەلایەن لیژنەی دارایی و لیژنەی ئابووری و پیشەسازی و بازرگانی.
- خوێندنەوەی دووەمی پێشنیاری یاسای یەکەمین هەموارکردنی یاسای چاودێری کەمتەمەنان ژمارە (78)ی ساڵی 1980، پێشکەشکراو لەلایەن لیژنەی یاسایی.
- خانمان و بەڕێزان ئەندامان لە تێبینییەکانیاندا داوایان کرد وەبەرهێنانی سامانی ئەو کەمتەمەنانەی گەیشتوونەتە تەمەنی پێگەیشتوویی ڕابگیرێت، سەرباری قەرەبووکردنەوەی ئەو کەمتەمەنانەی سامانیان لە ساڵی 1990 تا 2003 دانراوە و گرتنەوەیان بە جیاوازی دراو، بەمەرجێک بە بەهای زێڕ لە کاتی گەیشتنیان بە تەمەنی پێگەیشتوویی بنرخێندرێت، لەگەڵ پێویستی پشتگوێنەخستنی چاودێری دەروونی و کۆمەڵایەتی کەمتەمەنان دوای پێگەیشتنیان، هەروەها دڵنیابوون لەو لایەنەی سامانی کەمتەمەنان وەبەردەهێنێت و ئەو توانایانەی هەیەتی، و دامەزراندنی سندوقێک بە ناوی پاڵپشتی کەمتەمەنان، و دیاریکردنی پێشینەکانی خەرجکردن لە سامانی کەمتەمەنان لە بوارەکانی پەروەردە و تەندروستی و چاودێری، و ڕووکردنە ئۆتۆماتیکردنی تۆماری چاودێری کەمتەمەنان و ڕێکخستنەوەی پێکهاتەی بەڕێوەبەرایەتی چاودێری کەمتەمەنان و بەهێزکردنی پاراستنی سامانیان، و بانگەواز بۆ دانانی ڕێڕەوێکی یاسایی بۆ ڕێگەدان بە بەخشین بۆ کەمتەمەنان.
بەڕێز عەدنان فەیحان جێگری یەکەمی سەرۆکی ئەنجومەن سەرۆکایەتی بەشێکی دانیشتنەکەی کرد
- خوێندنەوەی دووەمی پێشنیاری یاسای یەکەمین هەموارکردنی یاسای نۆتەران ژمارە (33)ی ساڵی 1998، پێشکەشکراو لەلایەن لیژنەی یاسایی.
- تێبینییەکانی ئەندامان دەربارەی هەموارکردنی یاسای نۆتەران جەختیان لەسەر داواکردنی پێداچوونەوە بە پێناسەکانی ئەو کەسانەی پۆستی نۆتەر وەردەگرن کردەوە، و ڕێکخستنی کاری بەشی وەرگێڕان بەمەرجێک وەرگێڕ بە شێوەی یاسایی ناسراو بێت، و داواکردنی زیادکردنی دەرماڵەی فەرمانبەرانی فەرمانگەکانی نۆتەران لە ڕێگەی بڕینی ڕێژەیەک لە بودجەی کرێی خزمەتگوزارییە وەرگیراوەکان، سەرباری پەیڕەوکردنی ئەرشیفکردنی ئەلیکترۆنی لە فەرمانگەکانیان.
دکتۆر فەرهاد ئەتروشی جێگری سەرۆک سەرۆکایەتی بەشێکی دانیشتنەکەی کرد
- تێبینییەکان داواکردنی پەیڕەوکردنی پێوەرێکی کاتی بۆ بەردەوامبوونی وەکالەتە گشتی و تایبەتەکانی لەخۆگرت، سەرباری بانگەواز بۆ بەهێزکردنی پاراستنی یاسایی نۆتەران.
- لە چوارچێوەی گفتوگۆ گشتییەکاندا ژمارەیەک لە خانمان و بەڕێزان ئەندامان داوای دابینکردن و باشترکردنی خزمەتگوزارییەکانیان لە کەرت و فەرمانگە فەرمییە جیاوازەکان لە پارێزگاکان کرد و گرنگی دۆزینەوەی چارەسەری کاریگەر بۆیان، لەوانە دابینکردنی پلەی فەرمانبەری بۆ دەرچووان لە حاڵەتەکانی سڕینەوە و داهێنان، سەرباری پشتیوانی هەوڵەکانی بەرەنگاربوونەوەی گەندەڵی، هەروەها داواکردنی مافەکانی شەهیدان و بریندارەکان.
پاشان بڕیاردرا دانیشتنەکە کۆتایی پێبهێنرێت.